అంతర్గత భద్రతపై ప్రతిభతో మన్మోహన్

న్యూఢిల్లీ: ప్రధాని డాక్టర్ మన్మోహన్ సింగ్ శనివారం రాష్ట్రపతి ప్రతిభా పాటిల్ ను కలిశారు. దేశ అంతర్గత భద్రతతో పాటు పలు జాతీయ, అంతర్జాతీయ విషయాలపై ఆయన రాష్ట్రపతితో చర్చించారు. మావోయిస్టుల హింస పెరడం, నక్సలైట్లకు వ్యతిరేకంగా ప్రభుత్వం చర్యలు చేపట్టడం వంటి విషయాల నేపథ్యంలో రాష్ట్రపతితో ప్రధాని భేటీ అయ్యారు.

ఇరువురి మధ్య 30 నిమిషాల పాటు సంభాషణ జరిగిందని, రాష్ట్రపతికి ప్రధాని దీపావళి శుభాకాంక్షలు తెలిపారని రాష్ట్రపతి భవన్ అధికార ప్రతినిధి తెలిపారు. వారిద్దరి మధ్య జాతీయ, అంతర్జాతీయ విషయాలపై చర్చ జరిగిందని, ముఖ్యంగా అంతర్గత భద్రత, వ్యవసాయ దిగుబడులు, ఆహార భద్రతలపై చర్చ జరిగిందని ఆ ప్రతినిధి వివరించారు.