కాలేజి అమ్మాయి ఆత్మహత్యపై విచారణ

హైదరాబాద్‌: సోమాజీగూడలోని విల్లామేరీ కళాశాల విద్యార్థిని అనూష మృతిపై ఉన్నత విద్యామండలి విచారణకు ఆదేశించింది. డిగ్రీ ఫైనలియర్‌ విద్యార్థిని అనూష ఈరోజు ఉదయం కళాశాల భవనం పైనుంచి దూకి ఆత్మహత్య చేసుకున్న విషయం తెలిసిందే. యశోదా ఆస్పత్రిలో ఆమె చికిత్స పొందుతూ మరణించింది.

తోటి విద్యార్థుల వేధింపుల వల్లే తన కుమారై ఆత్మహత్యకు పాల్పడినట్లు ఆమె తల్లి ఆరోపించారు. దీనిపై కళాశాల యాజమాన్యానికి ఫిర్యాదు చేసినా పట్టించుకోలేదని ఆవేదన వ్యక్తం చేశారు. అనూష మృతదేహాన్ని పోస్ట్‌మార్టం నిమిత్తం గాంధీ ఆస్పత్రికి తరలించారు.