ఓటు వేయకపోవడం సరి కాదు: చిరు

హైదరాబాద్: పౌరులు వోటు వేయకూడదని అనుకోవడం మంచి పద్ధతి కాదని ప్రజారాజ్యం పార్టీ అధినేత చిరంజీవి అన్నారు. భార్య సురేఖ, కుమారుడు రామ్ చరణ్ తేజాతో కలిసి వచ్చి ఆయన సోమవారం ఉదయం జూబిలీహిల్స్ లోని ఓబుల్ రెడ్డి పబ్లిక్ స్కుల్లోని కేంద్రంలో తన ఓటు హక్కును వినియోగించుకున్నారు.

ప్రజలు తమ ఓటు హక్కును వినియోగించుకుని ప్రజాస్వామ్యాన్ని బలోపేతం చేయాలని చిరంజీవి కోరారు. ఓటు హక్కును వినియోగించుకున్న తర్వాత ఆయన మీడియా ప్రతినిధులతో మాట్లాడారు. ఇష్టమైనవారిని ఎన్నుకోవడానికి ప్రజలు తప్పకుండా ఓటు వేయాలని ఆయన అన్నారు.