ఓటు వేసిన జూనియర్ ఎన్టీఆర్

హైదరాబాద్: గ్రేటర్ హైదరాబాద్ ఎన్నికల్లో ప్రముఖ సినీ నటుడు జూనియర్ ఎన్టీఆర్ సోమవారం తన ఓటు హక్కును వినియోగించుకున్నారు. శాసనసభ ఎన్నికల్లో తాను స్ట్రెచర్ పై వచ్చి ఓటేశానని, ఈసారి నడుచుకుంటూ వచ్చి ఓటేశానని ఆయన చమత్కరించారు. మెహిదీపట్నంలో ఆయన ఓటేశారు. గ్రేటర్ హైదరాబాద్ లోని ప్రతి ఒక్కరూ తమ ఓటు హక్కును వినియోగించుకోవాలని ఆయన విజ్ఞప్తి చేశారు.

సూపర్ స్టార్ కృష్ణ, ఆయన సతీమణి విజయనిర్మల కూడా తమ ఓటు హక్కును వినియోగించుకున్నారు. గ్రేటర్ హైదరాబాద్ ఎన్నికల్లో మంచి అభ్యర్థులను ఎన్నుకోవాలని కృష్ణ కోరారు. గచ్చిబౌలి డివిజన్ లోని 23వ పోలింగ్ కేంద్రంలో వారిద్దరు తమ ఓటు హక్కును వినియోగించుకున్నారు. ప్రతి ఒక్కరూ కూర్చోకుండా ఓటు హక్కును సద్వినియోగం చేసుకోవాలని కృష్ణ పిలుపునిచ్చారు.