చలి వల్ల తక్కువ వోట్లు: రోశయ్య

హైదరాబాద్: రాత్రి ఎక్కువగా చలి ఉందని, అలాగే ఉదయం పూట కూడా చలి ఉందని, దాంతో ఉదయంపూట ఓట్లు వేయడానికి తక్కువ మంది వస్తున్నారని ముఖ్యమంత్రి కె.రోశయ్య అన్నారు. ఆయన సోమవారం ఉదయం ధరం కరం రోడ్డులోని పోలింగు బూత్ లో తన ఓటు హక్కును వినియోగించుకున్నారు. సాయంత్రానికి ఓట్ల పోలింగ్ శాతం పెరుగుతుందని ఆయన చెప్పారు.

హైదరాబాద్ ప్రజలు చాలా చైతన్యవంతులని, ఓటు హక్కు వినియోగించుకోవాల్సిన అవసరం గురించి వారికి ఎవరో ప్రత్యేకంగా చెప్పాల్సిన అవసరం లేదని ఆయన అన్నారు. పవిత్రమైన ఓటు హక్కును వినియోగించుకోవాలని ఆయన ప్రజలకు విజ్ఞప్తి చేశారు. హైదరాబాద్ ప్రజలు తమ వెసులుబాటు చూసుకుని ఓటు వేయాలని ఆయన ప్రజలను కోరారు.