తెలంగాణ ఉద్యమానికి మందకృష్ణ మాదిగ మద్దతు

సిద్దిపేట : కేసీఆర్‌ చేపట్టిన తెలంగాణ ఉద్యమానికి మాదిగ రిజర్వేషన్‌ పోరాట సమితి సంపూర్ణమద్దతు ప్రకటించింది. మాదిగ రిజర్వేషన్‌ పోరాట సమితి వ్యవస్థాపకుడు మందకృష్ణమాదిగ సిద్దిపేటలో దీక్షా శిబిరాన్ని సందర్శించి తన మద్దతు ప్రకటించారు. సోమవారం జరగనున్న తెలంగాణ బంద్‌లో ఎమ్మార్పీఎస్‌ కూడా పాల్గొంటుందని ఆయన తెలిపారు.

ప్రభుత్వం దమననీతిని ఆపకపోతే ప్రత్యేక ఆందోళన చేపడతామని కాంగ్రెస్‌ సర్కారును టీఎన్జీవో హెచ్చరించింది. టీఆర్‌ఎస్‌ రేపు నిర్వహిస్తున్న బంద్‌కు టీఎన్జీవో నాయకులు మద్దతు ప్రకటించారు. తెలంగాణ స్థూపం వద్దకు మౌనంగా ర్యాలీ నిర్వహించిన టీఎన్జీవో నాయకులు తమ నిరసనను వ్యక్తం చేశారు. మరోవైపు కేసీఆర్‌ అరెస్టును ఖండిస్తూ తెలంగాణ జిల్లాల వ్యాప్తంగా టీఆర్‌ఎస్‌ శ్రేణులు రాస్తారోకో, ధర్నాలు చేపట్టాయి. పలు జిల్లాల్లో ప్రభుత్వ ఆస్తులను కార్యకర్తలు పెద్ద ఎత్తున ధ్వంసం చేశారు.