చంద్రశేఖరరావు అరెస్టుకు టిడిపి ఖండన

హైదరాబాద్: తెలంగాణ రాష్ట్ర సమితి అధినేత చంద్రశేఖరరావు అరెస్టు సరికాదని తెలుగుదేశం నాయకులు నాగం జనార్దనరెడ్డి, మోత్కుపల్లి నర్సింహులు అన్నారు. ప్రజాస్వామ్యంలో ప్రతి ఒక్కరికీ నిరశన తెలిపే హక్కు ఉందని గుర్తు చేశారు. తెలంగాణ ఏర్పాటుకు ఆఖరి ప్రయత్నం దీక్షను కేసీఆర్‌ ఎంచుకుంటే దానికి అడ్డుపడటం సరికాదని హితవు పలికారు. సమస్యను పరిష్కంచేందుకు ప్రభుత్వం కృషి చేయాలి గానీ హింసాత్మకసంఘటనలకు అవకాశం ఇవ్వకూడదని వారు సూచించారు.

ఉస్మానియా యూనివర్సిటీ విద్యార్థులపై పోలీసులు జరిపిన లాఠీ చార్జీకి బాధ్యత వహిస్తూ ముఖ్యమంత్రి, హోం మంత్రి రాజీనామా చేయాలని విద్యార్థులు డిమాండ్‌ చేస్తున్నారు. ఉస్మానియా ఆర్ట్స్‌ కాలేజీ వద్ద విద్యార్థులు ఆందోళన చేస్తున్నారు. విద్యార్థుల ఆందోళనకు మాదిగ రిజర్వేషన్‌ పోరాట సమితి(ఎంఆర్‌పిఎస్‌) అధ్యక్షుడు మందా కృష్ణ మాదిగ మద్దతు తెలిపారు.