తెలంగాణ: 96 మంది ఎమ్మెల్యేల రాజీనామా

హైదరాబాద్‌: సమైక్యాంధ్రను సమర్థిస్తూ ఇప్పటివరకు 96 మంది ఎమ్మెల్యేలు రాజీనామా చేశారు. అంతకు ముందు రాజీనామాలపై స్పీకర్‌ ప్రకటన చేస్తూ మొత్తం 93 మంది శాసనసభ సభ్యులు రాజీనామా చేశారని స్పీకర్‌ ప్రకటించిన సంగతి తెలిసిందే. స్పీకర్‌ ప్రకటన అనంతరం కూడా రాజీనామాల పర్వం కొనసాగింది.

తాజాగా మరో ముగ్గురు శాసనసభ్యులు రాజీనామా చేయడంతో ఈ సంఖ్య 96కు చేరుకున్నట్లైంది. మొత్తం 56 మంది కాంగ్రెస్‌ ఎమ్మెల్యేలు తమ పదవులకు రాజీనామా చేయగా టీడీపీ నుంచి 29 మంది ఎమ్మెల్యేలు రాజీనామాలు సమర్పించారు. సమైక్యాంధ్రకు అనుకూలంగా పీఆర్పీ నుంచి 11 మంది ఎమ్మెల్యేలు రాజీనామాలు చేశారు.

కాగా దేశ ప్రయోజనాల కోసమే ప్రత్యేక తెలంగాణ రాష్ట్రం తీర్మానానికి కాంగ్రెస్ అధిష్టానవర్గం అంగీకరించిందని సోనియా గాంధీ తెలంగాణేతర ఎంపీల సమావేశంలో చెప్పినట్టు తెలిసింది. ఈ విషయంపై మళ్ళీ చర్చిద్దామని చెప్పిన ఆమె అప్పటివరకు అధిష్టానవర్గం చెప్పినట్టు నడుచుకోవాలని ఆమె సూచించారు.