రాజీనామాలకు కట్టుబడి ఉన్నాం: జెసి

హైదరాబాద్: తమ రాజీనామాలకు కట్టుబడి ఉన్నామని కాంగ్రెసు సీనియర్ శాసనసభ్యుడు జెసి దివాకర్ రెడ్డి చెప్పారు. తమ రాజీనామాలపై తుది నిర్ణయం స్పీకర్ కిరణ్ కుమార్ రెడ్డిదేనని ఆయన అన్నారు. ఆయన శనివారం ఉదయం ముఖ్యమంత్రి కె. రోశయ్యను కలిశారు. ఈ భేటీ అనంతరం ఆయన మీడియా ప్రతినిధులతో మాట్లాడారు. సమైక్యాంధ్రను కోరుతూ రాయలసీమ, కోస్తాంధ్రలో బంద్ ప్రశాంతంగా జరుగుతోందని ఆయన అన్నారు. హింసకు తావు లేదని ఆయన అన్నారు.

అనంతపురంలో హింస జరగడం లేదని, ప్రశాంతంగా ఆందోళన జరుగుతోందని ఆయన అన్నారు. కాగా, అనంతపురంలోని శ్రీకృష్ణ దేవరాయాంధ్ర విశ్వవిద్యాలయంలో ఉద్రిక్త పరిస్థితులు నెలకొన్నాయి. విద్యార్థులపై పోలీసులు లాఠీచార్జీ చేశారు. పోలీసులపైకి విద్యార్థులు రాళ్లు రువ్వారు.