అల్లు అర్జున్ 'వరుడు' షూటింగ్ కు తెలంగాణ దెబ్బ

హైదరాబాద్: అల్లు అర్జున్‌ సినిమా 'వరుడు' షూటింగ్‌ యూనిట్‌పై టిఆర్‌ ఎస్‌, ఎబివిపి కార్యకర్తలు దాడి చేశారు. రామోజీ ఫిలిమ్‌ సిటీ వద్ద షూటింగ్‌ జరుగుతుండగా ఈ దాడి జరిగింది. ఊహించని విధంగా జరిగిన ఈ దాడితో సిబ్బంది పరుగులు తీశారు. దాడి చేసినవారు షూటింగ్‌ సామాగ్రిని ధ్వంసం చేశారు. విషయం తెలిసి పోలీసులు వచ్చేసరికి ఎబివిపి కార్యకర్తలు పారిపోయారు.

తెలంగాణ వాదులు షూటింగ్ లను అడ్డుకుంటున్న నేపధ్యంలో సినీనటుడు, నిర్మాత మోహన్‌ బాబు బుధవారం ముఖ్యమంత్రి రోశయ్యను కలుసుకున్నారు. అనంతరం మీడియాతో మాట్లాడుతూ హైదరాబాద్‌ పై ఎవరైనా మాట్లాడితే నాలుక కోస్తాం అని కేసీఆర్‌ అన్న వ్యాఖ్యలపై, అలాగే కొంపల్లిలో టీఆర్‌ ఎస్‌ కార్యర్తలు తన కుమారుడు సినిమా సూటింగ్‌ ను అడ్డుకుని షూటింగ్‌ పరికరాలను ధ్వంసం చేసిన సంఘన వివరాలను ముఖ్యమంత్రికి వివరించినట్లు తెలిపారు.