రెచ్చగొట్టే ధోరణిని కెసిఆర్ మానుకోవాలి: మారెప్ప

కడప: తెలంగాణ రాష్ట్ర ఏర్పాటుపై కేసీఆర్‌ చేస్తున్న రెచ్చగొట్టే ప్రయత్నాలు మానుకోవాలని కాంగ్రెస్ నాయకుడు, మాజీ మంత్రి మారెప్ప సూచించారు. సోనియాగాంధీ ఇచ్చిన మాట ప్రకారం మరో నాలుగేళ్లకైనా తెలంగాణ రాష్ట్రం ఏర్పడి తీరుతుందని ఆయన స్పష్టం చేశారు. చర్చలు జరిపి ప్రేమతో విడిపోవాలే గాని రెచ్చగొట్టి శతృత్వం పెంచుకోవద్దని కేసీఆర్‌కు హితవు పలికారు.

మంత్రి వర్గ విస్తరణలో సమర్థులైన వారికి మంత్రి పదవి అప్పగించాలని ఆశాభావం వ్యక్తం చేశారు. వైఎస్‌ చనిపోవడం వల్ల ఫైళ్లు కదలడం లేదని ప్రభుత్వ కార్యాలయాల్లో అవినీతి శృతి మించుతోందని చివరికి ముఖ్యమంత్రి మాట కూడా ఎవరూ వినడం లేదని ఆయన ఆరోపించారు.