దాడులపై జగన్ అనుచరుడికి షోకాజ్

హైదరాబాద్: కాంగ్రెసు కడప పార్లమెంటు సభ్యుడు వైయస్ జగన్ అనుచరుడు, కాంగ్రెసు అనుబంధ విద్యార్థి సంఘం ఎన్ ఎస్ యుఐ రాష్ట్రాధ్యక్షుడు వంశీచందర్ రెడ్డికి పార్టీ అధిష్టానం శనివారం షోకాజ్ నోటీసు జారీ చేసింది. రిలయన్స్ కార్యాలయాలపై దాడికి పార్టీ కార్యాలయం గాంధీభవన్ నుంచి మెసెజ్ లు పంపాడనే ఆరోపణపై వంశీచందర్ రెడ్డికి ఎఐసిసి షోకాజ్ నోటీసు పంపింది. మూడు రోజులుగా వివరణ ఇవ్వాలని అధిష్టానం ఆయనను ఆదేశించింది. జగన్ కు వంశీచందర్ రెడ్డి సన్నిహితుడు.

రిలయన్స్ కార్యాలయాలపై ఒక పథకం ప్రకారం దాడులు జరిగాయని తెలుగుదేశం పార్టీ ఆరోపిస్తూ వంశీచందర్ రెడ్డి వ్యవహారాన్ని బయట పెట్టింది. జగన్ కు ఈ దాడులోత ప్రమేయం ఉందనడానికి వంశీచందర్ రెడ్డి మెసేజ్ లు నిదర్శనమని తెలుగుదేశం పార్టీ నాయకులు ఆరోపించారు. దాడుల వెనక జగన్ పాత్ర ఉందని తెలుగుదేశం పార్టీ అధ్యక్షుడు నారా చంద్రబాబు నాయుడు కూడా ఆరోపించారు.