• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

తెలంగాణపై కె చంద్రశేఖర రావు మౌనమేలనో...

By Pratap
|

K Chandrasekhar Rao
న్యూఢిల్లీ: తెలంగాణ అంశంపై తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు తెలంగాణపై నోరెత్తకపోవడంలోని ఆంతర్యం ఏమిటో అర్థం కావడం లేదు. కేంద్ర హోం మంత్రి పి. చిదంబరం అఖిల పక్ష సమావేశం ఏర్పాటు చేసినప్పటి నుంచి ఆయన ఏమీ మాట్లాడడం లేదు. చిదంబరంతో చర్చలు సంతృప్తికరంగా సాగాయని మాత్రమే చెప్పిన ఆయన ఆ తర్వాత ఏమీ మాట్లాడడం లేదు. అయితే ఆయన కేంద్రంలోని పెద్దలను మాత్రం కలుస్తూనే ఉన్నారు. ఆయనకు కాంగ్రెసు అధిష్టానం ఆంతర్యమేమిటో తెలియడం లేదని అంటున్నారు. చిదంబరం అఖిల పక్ష సమావేశం తర్వాత రెండు మూడు రోజుల్లో మరో ప్రకటన వెలువడుతుందని భావించారు. అయితే ఆయనతో పాటు కేంద్ర ప్రభుత్వంలోని పెద్దలెవరూ మాట్లాడడం లేదు.

కెసిఆర్ ఆదివారం సాయంత్రం ప్రధాని మన్మోహన్ సింగ్ ను కూడా కలిశారు. అంతకు ముందు కేంద్ర మంత్రులు చిదంబరం, ఎకె ఆంటోనీ, ఎస్ జైపాల్ రెడ్డిలను కలిశారు. తెలంగాణపై కమిటీలు వేయవద్దని, చిదంబరం నేతృత్వంలో చర్చలు చేపడితే ఫరవా లేదని కెసిఆర్ ప్రధానితో చెప్పినట్లు తెలుస్తోంది. కేంద్ర ప్రభుత్వం కమిటీ వేయవచ్చునని వచ్చిన వార్తల నేపథ్యంలో ఆయన వారి చుట్టూ తిరుగుతున్నట్లు చెబుతున్నారు. తాము తెలంగాణ రాష్ట్ర ఏర్పాటుకు సముఖంగానే ఉన్నామని, అయితే అందరికీ నచ్చజెప్పి చేయాలనేది తమ అభిమతమని ప్రధాని కెసిఆర్ తో చెప్పినట్లు తెలుస్తోంది. ఈ స్థితిలో ఏం మాట్లాడితే ఏం కొంప మునుగుతుందో తెలియక కెసిఆర్ సతమతమవుతున్నట్లు సమాచారం.

తెలంగాణ రాష్ట్ర ఏర్పాటుకు కేంద్రం సుముఖంగా ఉందని చెప్తే కాంగ్రెసు ఆంధ్రప్రదేశ్ కాంగ్రెసు వ్యవహారాల ఇంచార్జీ వీరప్ప మొయిలీ వంటి వారు ఖండించే అవకాశం ఉంది. కేంద్రం వ్యతిరేకంగా ఉందని చెప్తే మొదటికే మోసం వస్తుందేమోననే అనుమానం. ఈ స్థితిలో ఏమీ మాట్లాడలేక ఆయన ఇబ్బంది పడుతున్నట్లు తెలుస్తోంది.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X