ఇద్దరు వ్యాపారులను చంపిన మావోలు

విజయనగరం: ఇద్దరు వ్యాపారులను మావోయిస్టులు నరికి చంపారు. గొంతు కోసి మావోయిస్టులు వ్యాపారులను హత్య చేశారు. ఈ సంఘటన ఒరిస్సాలోని బందుగావ్ బ్లాక్ లో జరిగింది. ఆంధ్రా - ఒరిస్సా సరిహద్దులో గత రాత్రి మావోయిస్టులు ఈ ఘాతుకానికి పాల్పడ్డారు. మృతులు విజయనగరం జిల్లాలోని కత్తులపేకు చెందినవారు. పోలీసు ఇన్ ఫార్మర్లుగా పనిచేస్తున్నారనే ఆరోపణలపై పోలీసులు వారిని హత్య చేసినట్లు వార్తలు వస్తున్నాయి.

అయితే బందుగావ్ బ్లాకులో కొంత మంది వ్యాపారులు వేయి ఎకరాల భూములు కొన్నారు. వారి భూములను మావోయిస్టులు సొంతం చేసుకుని, గిరిజనులకు పంచినట్లు తెలుస్తోంది. ఆ భూముల్లోకి రావద్దని వ్యాపారులను మావోయిస్టులు హెచ్చరించారని, వారి హెచ్చరికలను ఖాతరు చేయకపోడంతో మావోయిస్టులు ఆ ఇద్దరు వ్యాపారులను హత్య చేశారని అంటున్నారు. కాగా, ఖమ్మం జిల్లా చర్ల మండలం పులిగుండాల అటవీ ప్రాంతంలోని ప్రొక్లెయిన్, ట్రాక్టర్లను మావోయిస్టులు దగ్ధం చేశారు.