కాంగ్రెసుతో అసదుద్దీన్ తెగదెంపులు?

న్యూఢిల్లీ: మహిళా రిజర్వేషన్ బిల్లుపై మజ్లీస్ కూడా కినుకతో ఉంది. హైదరాబాద్ లోకసభ సభ్యుడు, మజ్లీస్ నేత అసదుద్దీన్ ఓవైసీ మహిళా బిల్లు తీరుపై తీవ్ర వ్యతిరేకతతో ఉన్నారు. చట్టసభల్లో 33 శాతం రిజర్వేషన్లు కల్పించే మహిళా బిల్లును ఆయన వ్యతిరేకిస్తున్నారు. మహిళా రిజర్వేషన్లలో ముస్లిం కోటా ఉండాలనేది ఆయన అభిమతం.

సమాజ్ వాదీ, ఆర్జెడీ, జెడి (యు) నేతలు ములాయం సింగ్, లాలూ ప్రసాద్ యాదవ్, శరద్ యాదవ్ ల మాదిరిగానే ఆయన కోటాలో కోటా అడుగుతున్నారు. కోటాలో కోటా లేకపోవడం వల్ల దళిత, ముస్లిం మహిళలకు అన్యాయం జరుగుతుందనేది ఆయన వాదన. మహిళా బిల్లులో ముస్లిం మైనారిటీలకు కోటా ఉండాలని మజ్లీస్ శాసనసభ్యుడు అక్బరుద్దీన్ ఓవైసీ శాసనసభలో కూడా డిమాండ్ చేశారు. ఈ స్థితిలో కాంగ్రెసుతో తెగదెంపులు చేసుకునే ఆలోచనలో మజ్లీస్ ఉన్నట్లు సమాచారం.