ముగ్గురు సెక్యూరిటీ సిబ్బంది హత్య

మెదక్: మెదక్ జిల్లా గజ్వెల్ మండలం కొడకండ్లలోని చక్కెర కర్మాగారంలో ముగ్గురు సెక్యూరిటీ సిబ్బంది దారుణ హత్యకు గురయ్యారు. దొంగలు గొంతులు కోసి వారిని హత్య చేశారు. మృతుల్లో ఇద్దరు రాజస్థాన్ కు చెందినవారు కాగా మరొకతను మహారాష్ట్రకు చెందినవాడని తెలుస్తోది.

చక్కెర కర్మాగారం చాలా రోజుల క్రితమే మూతపడింది. దానికి సెక్యూరిటీగా ఆ ముగ్గురు ఉంటున్నారు. బహుశా దొంగతనం కోసం వచ్చినవారే ఆ హత్యలకు పాల్పడి ఉంటారని భావిస్తున్నారు. హత్యలు కూడా రెండు, మూడు రోజుల క్రితం జరిగి ఉంటాయని అనుమానిస్తున్నారు. ఈ సంఘటన గ్రామంలో తీవ్ర సంచలనం సృష్టించింది.