తెరాను మరిన్ని వివరాలు అడిగాం: శ్రీకృష్ణ

న్యూఢిల్లీ: తెలంగాణ రాష్ట్ర సమితి (తెరాస)ని మరింత సమాచారం అడిగిటనట్లు జస్టిస్ శ్రీకృష్ణ చెప్పారు. రాజకీయ పార్టీలతో సంప్రదింపుల ప్రక్రియలో భాగంగా జస్టిస్ శ్రీకృష్ణ కమిటీ సభ్యులు శుక్రవారం తెరాస నాయకులతో సంప్రదింపులు జరిపారు. దాదాపు నాలుగు గంటల పాటు శ్రీకృష్ణ కమిటీ సభ్యులు తెరాస ప్రతినిధులతో చర్చలు జరిపారు. తెరాస అధ్యక్షుడు కె. చంద్రశేఖర రావుతో పాటు పార్లమెంటు సభ్యురాలు విజయశాంతి, జయశంకర్, విద్యాసాగర్ రావు ఈ సంప్రదింపుల్లో పాల్గొన్నారు. తిరిగి జులైలో మరోమారు తెరాస నాయకులతో సంప్రదింపులు జరుపుతామని శ్రీకృష్ణ మీడియా ప్రతినిధులతో చెప్పారు.

విద్యుత్తు, నీటిపారుదల, ఆర్థిక వ్యవహారాలు, విద్యా రంగాలపై తెరాస నాయకులతో సంప్రదింపులు జరిపినట్లు ఆయన తెలిపారు. తెరాసతో శ్రీకృష్ణ కమిటీ రాజకీయ పార్టీలతో సంప్రదింపుల ప్రక్రియను శుక్రవారం ప్రారంభించింది. వరుసగా వివిధ రాజకీయ పార్టీలతో శ్రీకృష్ణ కమిటీ సంప్రదింపులు జరుపుతుంది. నీటిపారుదల తదితర రంగాలపై తెరాస నాయకులు శ్రీకృష్ణ కమిటీకి పవర్ ప్రజంటేషన్ ఇచ్చారు.