• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

నివేదిక సమర్పణ, సమైక్యాంధ్రకే మజ్లీస్ ఓటు

By Pratap
|

Asaduddin Owaisi
న్యూఢిల్లీ: ముస్లిం మైనారిటీల విస్తృత ప్రయోజనాలను దృష్టిలో ఉంచుకొని ఆంధ్రప్రదేశ్‌ను సమైక్యంగా ఉంచడమే మంచిదని ఎంఐఎం శ్రీకృష్ణ కమిటీకి నివేదించింది. రాష్ట్ర విభజన అనివార్యమైతే రాయలసీమ, తెలంగాణను కలిపి గ్రేటర్‌ తెలంగాణ ఏర్పాటు చేయాలని కోరింది. ఉత్తర, దక్షిణకోస్తాలను కలిపి కోస్తాంధ్ర రాష్ట్రంగా ఉంచాలని సూచించింది. ఎంఐఎం అధ్యక్షుడు అసదుద్దీన్‌ ఒవైసీ 13 పేజీల నివేదిక, 133 పేజీల అనుబంధాన్ని శ్రీకృష్ణ కమిటీకి ఈమెయిల్‌ చేశారు.

Telangana Liberation day:నిజాం రజాకార్ల నిరంకుశ పాలన నుంచి విముక్తి ఎలా కలిగింది..?

పెద్దరాష్ట్రాల్లోనే ముస్లింలకు అభివృద్ధిలో భాగస్వామ్యం దక్కడంలేదు. చిన్నరాష్ట్రాల్లో అది మృగ్యమవుతుందని, చిన్నరాష్ట్రాల్లో ముస్లింలకు భద్రత, సామాజిక, ఆర్థికపరమైన ఇబ్బందులు తలెత్తే ప్రమాదముందని, ప్రస్తుత డిమాండ్‌లో తెలుగు మాట్లాడే హిందువుల తర్వాత ఉర్దూ మాట్లాడే ముస్లింలే ప్రధాన భాగస్వాములని, వీరికి భౌతికపరమైన భద్రత, ఆర్థికప్రయోజనాలు, సామాజిక, సాంస్కృతిక బంధం, విద్యా విషయాల్లో భయాందోళనలున్నాయని మజ్లీస్ తెలిపింది. రాష్ట్రంలో ముస్లింలకు రాజకీయ గుర్తింపు లేదని, విభజన జరిగితే పరిస్థితి దిగజారే ప్రమాదముందని తెలిపింది.

బిజెపి, సంఘ్‌ పరివార్‌, వామపక్షాలతో నెలకొన్న విరోధం మైనారిటీలకు ఇబ్బందికరంగా మారుతుందని, తెరాస సిద్ధాంతాలపైనా తమకు అనుమానాలున్నాయని, తెలంగాణ డిమాండ్‌కు భావోద్వేగాల కన్నా రాజకీయ మూలాలున్నాయని, దీని ద్వారా స్వప్రయోజనాలను సాధించుకోవడానికి రాష్ట్రంలోని అన్ని పార్టీలూ ప్రయత్నిస్తున్నాయని, ప్రజలకన్నా నాయకులే ఈ డిమాండ్‌ను ఎక్కువగా వినిపిస్తున్నారని అన్నది.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X