50 మందికి పైగా ఐపిఎస్ ల బదిలీ?

హైదరాబాద్: రాష్ట్రంలో మునుపెన్నడూ లేని విధంగా రాష్ట్రంలో ఐపిఎస్ అధికారుల బదిలీ జరిగింది. యాభై మందికి పైగా ఐపియస్ అధికారులను రాష్ట్ర ప్రభుత్వం బదిలీ చేసింది. ఈ బదిలీల వ్యవహారం పోలీసు శాఖలో సంచలనం సృష్టిస్తోంది. 12 జిల్లాలకు పైగా పోలీసు సూపరింటిండెంట్లను (ఎస్పీలను) మార్చారు. పాలనపై పట్టు కోసమే ముఖ్యమంత్రి కె. రోశయ్య ఈ చర్యకు పాల్పడినట్లు భావిస్తున్నారు.

ఎనిమిది ఐపియస్ అధికారులకు ప్రభుత్వం డిఐజిలుగా పదోన్నతి కల్పించింది. ప్రమోషన్ పొందినవారిలో ఎస్బీ బాగ్చీ, చారు సిన్హా, భావనా సక్సేనా, నవీన్ చంద్, సూర్యప్రకాశ రావు, సజ్జనార్, అనిల్ కుమార్, రీతూ మిశ్రాలు ఉన్నారు. రాష్ట్ర వ్యాప్తంగా ప్రజాపథం కార్యక్రమం కొనసాగుతున్న ఈ తరుణంలో ఐపిఎస్ ల బదిలీలు చర్చనీయాంశంగా మారింది.