పాలమూరు జిల్లాలో దోపిడీదారుల బీభత్సం

మహబూబ్ నగర్: మహబూబ్ నగర్ జిల్లాలో దోపిడీ దొంగలు బీభత్సం సృష్టించారు. జిల్లాలోని ఖిల్లా ఘనపురం గ్రామంలో దోపిడీ దొంగలు ఓ ఇంటిలో దోపిడీకి పాల్పడ్డారు. ఈ సంఘటన బుధవారం అర్థరాత్రి దాటిన తర్వాత జరిగింది. ఇంటిలోని లక్ష రూపాయల నగదును, బంగారాన్ని దోచుకెళ్లారు. పోతూ పోతూ ఇంటిని తగులబెట్టారు.

ఇంటి యజమాని లేని సమయం చూసి దొంగలు ఆ దారుణానికి పాల్పడ్డారు. పంటలు అమ్మి యజమాని ఇంట్లో డబ్బులు దాచి పెట్టాడు. బుధవారం ఉదయం ఆయన వేరే ఊరికి వెళ్లాడు. ఇది గమనించి దొంగలు దోపిడీకి పాల్పడినట్లు భావిస్తున్నారు. పోలీసులు కేసు నమోదు చేసుకుని దర్యాప్తు చేస్తున్నారు.