డిఎస్సీ - 2008 అభ్యర్థులకు మంత్రి హామీ

హైదరాబాద్: డిఎస్సీ - 2008 అభ్యర్థుల నియామకాలపై వచ్చే నెల 6వ తేదీన జరిగే మంత్రి వర్గ సమావేశంలో తుది నిర్ణయం తీసుకుంటామని పాఠశాల విద్యాశాఖ మంత్రి మాణిక్యవర ప్రసాద్ చెప్పారు. మంత్రివర్గ ఉపసంఘం భేటీ అనంతరం ఆయన గురువారం మీడియా ప్రతినిధులతో మాట్లాడారు. నోటిఫికేషన్ లో పేర్కొన్న అన్ని పోస్టుల భర్తీకి చర్యలు తీసుకుంటామని ఆయన చెప్పారు. ఈ విషయంలో అభ్యర్థులు ఆందోళన చెందాల్సిన అవసరం లేదని ఆయన అన్నారు.

అర్హులందరికీ అవకాశం కల్పించాలని మంత్రి వర్గ ఉపసంఘం నిర్ణయం తీసుకుంది. న్యాయపరమైన ఇబ్బందులను తొలగించేందుకు ప్రణాళికను రూపొందించాలని నిర్ణయించింది. కాగా, మంత్రివర్గ ఉపసంఘం నిర్ణయంపై అభ్యర్థులు అసంతృప్తి వ్యక్తం చేశారు. శుక్రవారం ముఖ్యమంత్రి ఇంటి ముట్టడి కార్యక్రమం యథాతథంగా ఉంటుందని బిసి నాయకుడు ఆర్ కృష్ణయ్య చెప్పారు.