పల్లంరాజు పెద్దమ్మ హంతకుడు ఉమేష్

హైదరాబాద్: కేంద్ర మంత్రి పల్లంరాజు పెద్దమ్మ సుశీలాదేవి హత్య కేసు మిస్టరీ వీడింది. ఆమె ఈ నెల 27వ తేదీన హైదరాబాదులోని పంజగుట్టలో గల తన అపార్టుమెంటులో అనుమానాస్పద స్థితిలో మరణించింది. అప్పటి నుంచి ఆమె మరణానికి సంబంధించిన మిస్టరీని విడదీయడానికి పోలీసులు ప్రయత్నించారు. అపార్టుమెంటు చుట్టుపక్కల గల వర్కర్లను పోలీసులు విచారించారు. ఈ సమయంలో పోలీసులు ఉమేష్ ను కూడా విచారించారు. ఆ విచారణలో ఉమేష్ ఆమెను హత్య చేసినట్లు బయటపడింది. అతన్ని పోలీసులు అదుపులోకి తీసుకున్నాడు.

ఉత్తరప్రదేశ్ కు చెందినవాడు. పెయింటర్ అయిన ఉమేష్ పక్కింట్లో పెయింట్ వేస్తూ సుశీలా దేవి ఒంటరిగా ఉండడం గమనించాడు. పక్కా వ్యూహంతో సుశీలాదేవిని హత్య చేసి నగలు దోచుకున్నాడు. ఉమేష్ నుంచి పోలీసులు నగలను స్వాధీనం చేసుకున్నట్లు సమాచారం.