రంగారెడ్డి ఎన్నికలో కాసాని ఓటమి

హైదరాబాద్‌: రంగారెడ్డి జిల్లా నుంచి స్థానిక సంస్థల తరఫున జరిగిన ఎమ్మెల్సీ ఎన్నికల్లో కాంగ్రెసు పార్టీ అభ్యర్థి కాసాని జ్ఢానేశ్వర్ ఓటమి పాలయ్యారు. తెలుగుదేశం పార్టీ అభ్యర్థి నరేందర్ రెడ్డి 48 ఓట్లతో గెలిచారు. రంగారెడ్డి నుంచి ఒక స్థానానికి జరిగిన ఎన్నిక ఓట్ల లెక్కింపు సోమవారం ఉదయం పూర్తయింది. అయితే నరేందర్ రెడ్డికి మెజారిటీ తగ్గింది.

రంగారెడ్డి జిల్లాలో తెలుగుదేశం పార్టీకి 68 ఓట్లు ఉండగా 48 ఓట్లతో మాత్రమే గెలిచారు. దీన్ని బట్టి క్రాస్ ఓటింగ్ జరిగినట్లు తెలుస్తోంది. ఈ ఫలితం ఊహించిందేనని తెలుగుదేశం పార్టీ నాయకులు అంటున్నారు. అయితే క్రాస్ ఓటింగ్ పై మాత్రం ఆందోళన వ్యక్తమవుతోంది. రంగారెడ్డి జిల్లా నుంచి ధన,కుల బలాలు గల కాసాని జ్ఞానేశ్వర్ ను రంగంలోకి దించి కాంగ్రెసు అందరినీ ఆశ్చర్యపరిచింది.