వైయస్ పథకాలు అపితే ఉద్యమం: కిషన్

అనంతపురం: దివంగత నేత వైయస్ రాజశేఖర రెడ్డి ప్రవేశపెట్టిన సంక్షేమ పథకాలను అపితే పెద్ద యెత్తున ఉద్యమిస్తామని బిజెపి రాష్ట్రాధ్యక్షుడు జి. కిషన్ రెడ్డి చెప్పారు. అన్ని పార్టీలను కలుపుకుని తాము ఉద్యమిస్తామని ఆయన శుక్రవారం మీడియా ప్రతినిధులతో అన్నారు. ముఖ్యమంత్రి కె. రోశయ్య సంక్షేమ పథకాలకు కోత పెట్టే ప్రయత్నం చేస్తున్నారని ఆయన విమర్శించారు.

ముఖ్యమంత్రి రోశయ్య కష్టాల్లో ఉన్నారని కాంగ్రెసు సీనియర్ శాసనసభ్యుడు జెసి దివాకర్ రెడ్డి వ్యాఖ్యానించడం సిగ్గు చేటు అని ఆయన అన్నారు. మనది ప్రజాస్వామ్య దేశమని, ఎవరు ఎక్కడైనా యాత్రలు చేసుకోవచ్చునని ఆయన అన్నారు. యాత్రలను అడ్డుకోవడం మూర్ఖత్వమేనని ఆయన అన్నారు.