• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ఓదార్పుకు జగన్ సోనియా అనుమతి పొందాలి: శైలజానాథ్

By Pratap
|

Sailajanath
న్యూఢిల్లీ: ఓదార్పు యాత్రకు తమ పార్టీ కడప పార్లమెంటు సభ్యుడు వైయస్ జగన్ ఓదార్పు యాత్రకు తమ పార్టీ అధ్యక్షురాలు సోనియా గాంధీ అనుమతి పొందాలని కాంగ్రెసు శాసనసభ్యుడు శైలజానాథ్ అన్నారు. జగన్ ఓదార్పు యాత్ర విషయంలో పార్టీ పెద్దలు కూడా ఆలోచించాలని ఆయన అన్నారు. తమ పార్టీ శాసనసభ్యుడు కొండ్రు మురళితో కలిసి ఆయన మంగళవారం మీడియా ప్రతినిధులతో మాట్లాడారు. జలయజ్ఞంలో అవినీతి, అక్రమాలు జరిగాయంటూ తమ పార్టీ సీనియర్ నాయకులు చేసిన ఆరోపణలపై ఆయన మండిపడ్డారు. ఇతర పార్టీల నుంచి కాంగ్రెసులోకి వచ్చి పార్లమెంటు సభ్యులుగా గెలిచిన వారే జలయజ్ఞంపై విమర్శలు చేస్తున్నారని ఆయన అన్నారు.

ఒకప్పుడు దివంగత నేత వైయస్ రాజశేఖర రెడ్డిని పొగిడినవారే ఇప్పుడు విమర్శిస్తున్నారని ఆయన అన్నారు. తమ పార్టీ సీనియర్ నాయకుడు జి. వెంకటస్వామిపై ఆయన తీవ్రంగా విరుచుకుపడ్డారు. వైయస్ రాజశేఖర రెడ్డిపై అక్కసుతో వెంకటస్వామి మాట్లాడుతున్నారని ఆయన అన్నారు. వెంకటస్వామి వయస్సుకు తగినట్లు మాట్లాడితే మంచిదని ఆయన అభిప్రాయపడ్డారు. వైయస్ రాజశేఖర రెడ్డిని విమర్శిస్తే కాంగ్రెసును విమర్శించినట్లేనని, ఈ విషయాన్ని సోనియా దృష్టికి తీసుకుని వెళ్తామని ఆయన చెప్పారు. తెలంగాణలో ఉప ఎన్నికల్లో అభివృద్ధి, సంక్షేమం ఎజెండాగా పార్టీ పోటీ చేస్తే మంచిదని ఆయన అభిప్రాయపడ్డారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X