• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

వైయస్ వర్ధంతి సెప్టెంబర్ 2న వైయస్ జగన్ కొత్త పార్టీ?

By Pratap
|

YS Jagan
హైదరాబాద్: కాంగ్రెసు కడప పార్లమెంటు సభ్యుడు వైయస్ జగన్ తన తండ్రి వైయస్ రాజశేఖర రెడ్డి తొలి వర్ధంతి సెప్టెంబర్ 2వ తేదీన కొత్త పార్టీని ప్రకటించే అవకాశాలున్నట్లు ప్రచారం జరుగుతోంది. పక్కా వ్యూహం ప్రకారమే ఆయన శ్రీకాకుళం జిల్లాలో ఓదార్పు యాత్రకు జగన్ శ్రీకారం చుట్టినట్లు భావిస్తున్నారు. వైయస్సార్ కాంగ్రెసు పార్టీ పేరిట ఓ పార్టీ రిజిస్ట్రేషన్ కు ఎన్నికల కమిషన్ కు దరఖాస్తు అందిన విషయం తెలిసిందే. ఒక పథకం ప్రకారమే జగన్ ముఖ్యమంత్రి రోశయ్యపై తీవ్ర వ్యాఖ్యలకు పూనుకుంటున్నట్లు చెబుతున్నారు. శ్రీకాకుళం జిల్లాలో ఓదార్పు యాత్ర నిర్వహిస్తున్న జగన్ ఆదివారం ఫోన్ లు చూసి తన వర్గానికి చెందిన శాసనసభ్యులతో మాట్లాడినట్లు, యుద్ధానికి సిద్ధం కావాలని సూచించినట్లు తెలుస్తోంది.

పార్టీని చీల్చి మధ్యంతర ఎన్నికల దిశగా తీసుకెళ్లే ఆలోచనకు జగన్ శ్రీకారం చుట్టినట్లు వార్తలు వస్తున్నారు. కనీసం 40 మంది శాసనసభ్యులను చీల్చగలిగితే ముఖ్యమంత్రి రోశయ్య ప్రభుత్వం పడిపోతుందనే అంచనాతో ఆయన ఉన్నట్లు చెబుతున్నారు. తూర్పు గోదావరి జిల్లా ఓదార్పు యాత్రలో జగన్ దాడి మరింత తీవ్రంగా ఉంటుందని అంచనా వేస్తున్నారు. తూర్పు గోదావరి జిల్లాలో జరిగే ఓదార్పు యాత్ర రాష్ట్ర రాజకీయాల భవిష్యత్తును నిర్ణయిస్తుందనే ప్రచారం జరుగుతోంది. జగన్ ఓ వైపు ముఖ్యమంత్రిపై తీవ్ర వ్యాఖ్యలు చేస్తుండగా అంతకన్నా తీవ్రంగా జగన్ పై ఆయన వ్యతిరేక వర్గం ఎదురు దాడికి పూనుకుంది.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X