హైదరాబాదులో వృద్ధ దంపతుల దారుణ హత్య

హైదరాబాద్: హైదరాబాదులో వృద్ధ దంపతులు దారుణ హత్యకు గురయ్యారు. మంగళవారం అర్థరాత్రి దాటిన తర్వాత ఈ దారుణం చోటు చేసుకుంది. హైదరాబాదులోని కుషాయిగుడాలో గల అశోక్ కాలనీలో నివాసం ఉంటున్న దంపతులను దొంగలు హత్య చేసి బంగారు నగలు, ఇతర సామగ్రి ఎత్తుకెళ్లారు.

ఇంటిలో ఇద్దరు వృద్ధ దంపతులు మాత్రమే ఉండడం గమనించిన దొంగలు ఆ దారుణానికి ఒడిగట్టారు. కిటికీ ద్వారా లోనికి ప్రవేశించి దొంగలు వారిని హత్య చేశారు. పోలీసులు కేసు నమోదు చేసుకుని దర్యాప్తు చేస్తున్నారు. నిందితులను త్వరలోనే పట్టుకుంటామని పోలీసులు చెబుతున్నారు.