హైదరాబాద్ వార్తల కోసం
నోటిఫికేషన్స్ పై క్లిక్ చేయండి  
Oneindia App Download

చంద్రబాబు ఆశలన్నీ వైయస్ జగన్ పైనే

By Pratap
|
Google Oneindia TeluguNews

Chandrababu Naidu
హైదరాబాద్: తెలుగుదేశం పార్టీ అధ్యక్షుడు నారా చంద్రబాబు తన ఆశలన్నీ కాంగ్రెసు కడప పార్లమెంటు సభ్యుడు వైయస్ జగన్ పైనే పెట్టుకున్నారు. వైయస్ జగన్ పార్టీ పెడతారనే అంచనాతో ఆయన ఉన్నట్లు తెలుస్తోంది. కాంగ్రెసు పార్టీ శాసనసభ్యులను జగన్ పెద్ద యెత్తున చీల్చవచ్చునని, దానివల్ల రాష్ట్రంలో కాంగ్రెసు ప్రభుత్వం పడిపోయి మధ్యంతర ఎన్నికలు రావచ్చునని ఆయన భావిస్తున్నట్లున్నారు. శనివారం ఉదయం హైదరాబాదు నుంచి ఆయన పార్టీ ముఖ్య నాయకులతో నిర్వహించిన టెలీ కాన్ఫరెన్స్ ఈ విషయాన్ని వెల్లడిస్తోంది. ఆయన నేరుగా జగన్ పేరు గానీ మధ్యంతరం ఊసు గానీ తీసుకోలేదు. కానీ పరోక్షంగా ఆ విషయాలను వెల్లడించారు.

కాంగ్రెసు పార్టీలోని పరిణామాలను క్షుణ్నంగా పరిశీలించాలని, నిత్యం అప్రమత్తంగా ఉండాలని ఆయన ముఖ్య నాయకులకు సూచించారు. ప్రజల్లోకి వెళ్లి పార్టీని బలోపేతం చేయాలని ఆయన చెప్పారు. బాబ్లీపై పోరాటాన్ని ఉధృతం చేయడం, ప్రజాసమస్యలపై పార్టీ కమిటీలు వేయడం, తిరుమల తిరుపతి దేవస్థానం అక్రమాలపై పోరాటం చేయడం మధ్యంతర ఎన్నికలు వస్తాయనే ఉద్దేశంతోనేనని అంటున్నారు. అంతేకాకుండా, త్వరలోనే మున్సిపల్ ఎన్నికలు కూడా జరగనున్నాయి. అన్నింటి కన్నా ముఖ్యంగా ముఖ్యమంత్రి రోశయ్య ప్రభుత్వం కూలిపోవడం ఖాయమని, దాని వల్ల మధ్యంతర ఎన్నికలు రావచ్చునని ఆయన ఊహిస్తున్నారు. అందుకే ప్రజాపోరాటాలకు చంద్రబాబు శ్రీకారం చూట్టారని చెబుతున్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X