వైయస్ జగన్ ఓదార్పుకు కౌంటర్ ఓదార్పు: పురంధేశ్వరి

న్యూఢిల్లీ: కాంగ్రెసు కడప పార్లమెంటు సభ్యుడు వైయస్ జగన్ ఓదార్పు యాత్ర కొత్త మలుపు తిరిగింది. కాంగ్రెసు పార్టీ అధిష్టానం ఆయన ఓదార్పునకు సరికొత్త కౌంటర్ ను రూపొందించింది. పార్టీయే స్వయంగా ఓదార్పు యాత్ర నిర్వహించాలని కాంగ్రెసు పార్టీ అధ్యక్షురాలు సోనియా గాంధీ సూచించినట్లు కేంద్ర మానవ వనరుల శాఖ సహాయ మంత్రి దగ్గుబాటి వెంకటేశ్వర రావు చెప్పారు. పురంధేశ్వరి గురువారం సోనియా గాంధీతో సమావేశమయ్యారు. సోనియా రాజకీయ సలహాదారు అహ్మద్ పటేల్ ను కూడా ఆమె కలిశారు. ఈ భేటీ సమయంలో వారిద్దరు పురంధేశ్వరికి జగన్ ఓదార్పు యాత్రకు కౌంటర్ ప్లాన్ ఇచ్చారు.

వైయస్ రాజశేఖర రెడ్డి ఆకస్మిక మృతికి తట్టుకోలేక మరణించినవారి కుటుంబాలను పార్టీ వరంగా ఆదుకోవాలని సోనియా ఆదేశించినట్లు పురంధేశ్వరి చెప్పారు. ఓదార్పు కార్యక్రమం పార్టీ పరంగానే జరగాలని సూచించినట్లు తెలిపారు. బాధితులను సమీకరించి సహాయం అందించాలని సోనియా చెప్పినట్లు ఆమె తెలిపారు. ప్రతి జిల్లాలో వైయస్ విగ్రహాలను పార్టీపరంగా నెలకొల్పాలని సూచించినట్లు ఆమె తెలిపారు. వైయస్ కేవలం కుటుంబానికి చెందిన నాయకుడు కారని, కాంగ్రెసుకు సంబంధించిన నాయకుడని చాటి చెప్పడానికి కాంగ్రెసు ఈ కౌంటర్ వ్యూహాన్ని ఎంచుకున్నట్లు కనిపిస్తోంది.