మళ్లీ ఒయులో స్పాట్ రగడ: తెలంగాణ లెక్చరర్ల బహిష్కరణ

హైదరాబాద్: ఉస్మానియా విశ్వవిద్యాలయంలో బిఇడి స్పాట్ వాల్యుయేషన్ రగడ మళ్లీ రాజుకుంది. ఇంతకు ముందటి సీమాంధ్ర లెక్చరర్ల ద్వారానే బిఇడి పత్రాలను దిద్దించాలని విశ్వవిద్యాలయ అధికారులు నిర్ణయించి, వారిని స్పాట్ కు పిలిపించారు. దీంతో విద్యార్థులు పెద్ద యెత్తున నిరసన తెలిపారు. భారీగా పోలీసులను మోహరింపజేసి స్పాట్ ను కొససాగించాలని అధికారులు నిర్ణయించారు. దీన్ని నిరసిస్తూ తెలంగాణ అధ్యాపకులు బిఇడి స్పాట్ వాల్యుయేషన్ ను బహిష్కరించారు.

ఉస్మానియా విశ్వవిద్యాలయంలోని స్పాట్ వాల్యుయేషన్ కేంద్రం వద్ద ఉద్రిక్త వాతావరణం నెలకొంది. విద్యార్థులపై పెట్టిన కేసులను ఎత్తేయాలని తెలంగాణ లెక్చరర్లు డిమాండ్ చేస్తున్నారు. రెచ్చగొట్టేందుకే అధికారులు ఈ విధంగా వ్యవహరిస్తోందని వారన్నారు. దీంతో స్పాట్ వాల్యుయేషన్ నిలిచిపోయింది. ఇటీవల స్పాట్ వాల్యుయేషన్ కేంద్రం వద్ద సీమాంధ్ర లెక్చరర్లపై విద్యార్థులు దాడి చేసిన విషయం తెలిసిందే.