ఎపిపిఎస్సీ నిర్ణయానికి నిరసనగా 5న తెలంగాణ బద్

హైదరాబాద్:ఎపిపిఎస్సీ నిర్ణయానికి నిరసనగా ఈ నెల 5వ తేదీన ఉస్మానియా విశ్వవిద్యాలయం ఐక్య కార్యాచరణ కమిటీ (జెఎసి) తెలంగాణ బంద్ కు పిలుపునిచ్చింది. ఈ నెల 5వ తేదీన గ్రూప్-1 పరీక్ష నిర్వహించాలనే నిర్ణయానికి నిరసనగా ఒయు జెఎసి ఆ బంద్ కు పిలుపునిచ్చింది. ఈ నెల 4వ తేదీన విద్యాసంస్థల్లో తరగతుల బహిష్కరణ నిర్ణయించనున్నట్లు ఒయు జెఎసి తెలిపింది. గ్రూప్-1 ఉద్యోగాల్లో తెలంగాణ వాటా తేల్చిన తర్వాతనే పరీక్ష నిర్వహించాలని డిమాండ్ చేసింది.

తమ డిమాండ్ కు అంగీకరించకుండా పరీక్ష నిర్వహిస్తే తాము అడ్డుకుంటామని తెలిపింది. గ్రూప్-1 పరీక్ష ప్రశ్నపత్రాలను తెలంగాణ అభ్యర్థులు చించేస్తారని జెఎసి నాయకుడు సుమన్ తెలిపారు. పరీక్ష హాళ్ల వెలుపల తాము ఆందోళనలు నిర్వహిస్తామని ఆయన అన్నారు. ఆ రోజు ఏమైనా జరిగితే అందుకు ముఖ్యమంత్రి కె. రోశయ్య బాధ్యత వహించాల్సి వస్తుందని ఒయు జెఎసి హెచ్చరించింది.