తెలంగాణ విలీనం చరిత్రను పారదర్శకంగా అందించాలి: డిఎస్

హైదరాబాద్: చారిత్రకత విమోచన దినోత్సవాన్ని గాంధీ భవన్ లో విలీన దినోత్సవం పేరుతో కాంగ్రెసు పార్టీ నిర్వహించింది. భారతదేశానికి స్వాతంత్రం వచ్చింది 1947 ఆగస్టు 15 అయినప్పటికీ నిజాం ఆధీనంలో ఉన్న హైదరాబాద్ రాష్ట్రానికి మాత్రం 1948 సెప్టెంబర్ 17న విముక్తమయిందని పిసిసి అధ్యక్షుడు డి.శ్రీనివాస్ విలీనోత్సవంలో సందర్భంగా చెప్పారు. హైదరాబాద్ రాష్ట్రంలోని పలు ప్రాంతాలు భాషలవారీగా కర్ణాటక, మహారాష్ట్రలతో పాటు ఆంధ్ర ప్రదేశ్ లో విలీనమయిందన్నారు.

నాటి నుంచి నేటి వరకు నెహ్రూ, ఇందిరా, రాజీవ్, నేడు సోనియా ఆధ్వర్యంలో రాష్ట్రంపై ప్రత్యేక దృష్టిని కేంద్రం సారించి, అభివృద్ధికి తోడ్పడుతుందన్నారు. జాతులు తదితర కారణాలతో నేడు అంతా అశాంతి నెలకొంటుందని, కాని మహాత్మాగాంధీ సూచించిన అహింస, శాంతి మంత్రంతో దేనినైనా సాధించవచ్చునని తెలుసుకోవాలని సూచించారు. స్వాతంత్ర దినోత్సవాన్ని ఐనా, భారత్ లో హైదరాబాద్ విలీనం ఐనా చరిత్రను ముందు తరాలకు పారద్శకంగా అందించాల్సిన బాధ్యత అందరిపై ఉందని ఆయన వ్యాఖ్యానించారు. ముఖ్యమంత్రి రోశయ్య విలీనోత్సవ కార్యక్రమంలో పాల్గొన్నారు.