వంతాడ పాపం చంద్రబాబుదేనంటున్న చిరంజీవి

రాజమండ్రి: వంతాడ గనుల తవ్వకాలకు అనుమతి ఇచ్చింది తెలుగుదేశం ప్రభుత్వమేనని, వంతాడకు పునాది వేసింది అప్పటి ముఖ్యమంత్రి చంద్రబాబేనని ప్రజారాజ్యం పార్టీ అధినేత చిరంజీవి విమర్సించారు. వంతాడ మైనింగ్‌పై మాట్లాడే నైతిక హక్కు కాంగ్రెస్, టీడీపీలకు లేదని చిరంజీవి అన్నారు. గనుల అక్రమ తవ్వకాల్లో కాంగ్రెస్, టీడీపీలకు వాటాలు అందుతున్నాయని సోమవారం మీడియా ప్రతినిధుల సమావేశంలో ఆరోపించారు.

వంతాడ తవ్వకాల్లో మంత్రుల హస్తం ఉందని ఆయన విమర్శించారు. మంత్రులు బినామీ పేరుతో వందల ఎకరాలు తవ్వుతున్నారని ఆయన ఆరోపించారు. రైతుల ప్రయోజనాల కోసం ఉద్యమాలు చేస్తామన్నారు. వ్యవసాయ శాఖమంత్రి రఘవీరారెడ్డి అవినీతి ఆస్తులపై విచారణ జరిపించాలని చిరంజీవి డిమాండ్ చేశారు. ఎరువుల సమస్యను పరిష్కరించాలనే చిత్తశుద్ధి మంత్రులకు లేదని ఆయన విమర్సించారు. వంతాడలో రాష్ట్ర మంత్రులకు వాటాలు అందుతున్నాయని ఆయన అన్నారు.