లోయలో పడిన భవానీ భక్తుల లారీ: ఆరుగురు మృతి

ఖమ్మం: ఖమ్మం జిల్లాలోని చింతూరు మండలం తులసీపాక వద్ద శనివారం తెల్లవారు జామున జరిగిన రోడ్డు ప్రమాదంలో ఆరుగురు అక్కడికక్కడే మృతి చెందారు. భవానీ భక్తులు ప్రయాణిస్తున్న లారీ కల్వర్టును ఢీకొనిలోయలో పడటంతో ప్రమాదం జరిగింది. ఈ ఘటనలో మరో 12మంది తీవ్రంగా గాయపడ్డారు. సమాచారం తెలుసుకున్న పోలీసులు, 108 సిబ్బంది ఘటనా స్థలానికి చేరుకుని క్షతగాత్రులను ఆస్పత్రికి తరలించారు. భవానీ భక్తులు భద్రాచల రాముడ్ని దర్శించుకున్న విజయవాడ కనకదుర్గమ్మ దర్సనానికి బయలుదేరారు. విజయవాడకు వస్తుండగా ఈ ప్రమాదం జరిగింది.

మరణించినవారిని చిట్టిబాబు, దుర్గయ్య, శేఖర్ (క్లీనర్), అక్షయ, వీరలక్ష్మి, నాగేశ్వర రావులుగా గుర్తించారు. మృతులంతా తూర్పు గోదావరి జిల్లా కిష్టాపురం గ్రామానికి చెందినవారు. ప్రమాదం జరిగిన సమయంలో లారీలో 21 మంది దాకా ఉన్నారు.