• search
  • Live TV
మెదక్ వార్తల కోసం
నోటిఫికేషన్స్ పై క్లిక్ చేయండి  

చంద్రబాబు కాన్వాయ్ పై మెదక్ జిల్లాలో రాళ్ల దాడి

By Srinivas
|
Chandrababu Naidu
మెదక్: సూక్ష్మరుణ సంస్థల వేధింపులకు ఆత్మహత్యలు చేసుకున్న కుటుంబాలను, ఆత్మహత్య చేసుకున్న రైతు కుటుంబాలను పరామర్శించేందుకు మెదక్ జిల్లా ప్రజ్ఞాపూర్ లో పర్యటించిన తెలుగుదేశం పార్టీ అధినేత చంద్రబాబునాయుడి కాన్వాయ్ ని తెలంగాణవాదులు, విద్యార్థులు అడుగడుగునా అడ్డుకుంటున్నారు. ఆయన పర్యటకు ముందే ఉద్రిక్త వాతావారణం నెలకొన్న విషయం తెలిసిందే. ముందుగానే సుమారు 200 మంది తెలంగాణవాదులను పోలీసులు అరెస్టు చేశారు. చంద్రబాబు కాన్వాయ్ పై తెలంగాణవాదులు రాళ్లతో కూడా దాడి చేశారు. గజ్వెల్ కు సమీపంలోనే చంద్రబాబు కాన్వాయ్ ని ఆపేశారు. ఓ తెలుగుదేశం పార్టీ కార్యకర్త నివాసం వద్ద కాన్వాయ్ ని ఆపేశారు. రంగారెడ్డి జిల్లా పర్యటనలో కూడా చంద్రబాబుకు ఇటువంటి అనుభవమే ఎదురైంది. పోలీసులకు, ఆందోళనకారులకు మధ్య తోపులాట చోటు చేసుకుంది. దీంతో పరిస్థితి ఉద్రిక్తంగా మారింది.

చంద్రబాబు కాన్వాయ్ ని అడ్డుకొని వారు కదలనివ్వలేదు. దీంతో వారిపై తెలుగుదేశం కార్యకర్తలు, తెలుగు దేశం విద్యార్థి విభాగం టిఎన్ఎస్ ఎఫ్ ఆగ్రహం వ్యక్తం చేసింది. ఇరువర్గాల మధ్య కాసేపు ఘర్షణ చోటు చేసుకుంది. చినికి చినికి వానలా తయారయి ఇరువర్గాలు కొట్టుకున్నారు. చంద్రబాబునాయుడిని అడ్డుకున్న తెలంగాణవాదులపై టీడీపీ కార్యకర్తలు దాడి చేశారు. పోలీసులు ఇరువర్గాలపై లాఠీచార్జి చేశారు. పోలీసులు కొంతమందిని అరెస్టు చేశారు. మెదక్ ఎమ్మెల్యే మైనంపల్లి హన్మంతరావు కొందరు రౌడీలను హైదరాబాద్ నుండి తీసుకు వచ్చి తమపై దాడి చేయించారని తెలంగాణవాదులు ఆరోపిస్తున్నారు. పోలీసులు, ప్రభుత్వం చంద్రబాబునాయుడితో చేతులు కలిపిందని వారు ఆరోపిస్తున్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X