వైయస్ ఫోటోపై కొందరు అనవసర రాద్దాంతం: ఎంపీ కోమటిరెడ్డి

న్యూఢిల్లీ: తెలంగాణ అమరవీరుల సంస్మరణ సభలో దివంగత ముఖ్యమంత్రి వైయస్ రాజశేఖర రెడ్డి ఫోటో పెట్టవలసిన అవసరం లేదని నల్గొండ పార్లమెంటు సభ్యుడు కోమటిరెడ్డి రాజగోపాల్ రెడ్డి మంగళవారం న్యూఢిల్లీలో పేర్కొన్నారు. పార్లమెంటు సమావేశాల కోసం ఢిల్లీలో ఉన్న ఆయన విలేకరులతో మాట్లాడారు.

ప్రత్యేక తెలంగాణ రాష్ట్ర సాధన కోసం తెలంగాణ కాంగ్రెసు ఇకనుండి జై తెలంగాణ, జై కాంగ్రెసు నినాదాలతో సభలు నిర్వహిస్తుందన్నారు. సంస్మరణ సభకు వైయస్ కు సంబంధం లేదని చెప్పారు. కొందరు కావాలనే అనవసరంగా రాద్దాంతం చేస్తున్నారని విమర్శించారు.