ఠాణాలో ఒకరి అనుమానాస్పద మృతి: పరిస్థితి ఉద్రిక్తం

మహబూబ్ నగర్: మహబూబ్ నగర్ జిల్లాలోని నాగర్ కర్నూలులో ఎక్సైజ్ పోలీసు స్టేషన్లో కాశయ్య గౌడ్ అనే వ్యక్తి బుధవారం తెల్లవారుజామున ఆత్మహత్య చేసుకున్నాడు. మంగళవారం రాత్రి ఎక్సైజ్ పోలీసులు కాశయ్యగౌడును లైసెన్సు లేకుండా కళ్లు అమ్ముతున్నాడని పోలీసు స్టేషన్ కి తీసుకు వచ్చారు. అయితే తెల్లవారి అతను మరణించాడు. దీనిని పోలీసులు ఆత్మహత్యగా చెబుతున్నారు.

అయితే మృతుడి బంధువులు మాత్రం కాశయ్యను పోలీసులే చంపారని అరోపిస్తున్నారు. పోలీసు స్టేషన్ పై బంధువులు దాడి చేశారు. ఫర్నీచర్ ను ధ్వంసం చేశారు. రెండు జీపులను కూడా ధ్వంసం చేశారు. ఫైల్సు తగులబెట్టారు. ఆ తర్వాత వారు ఠాణా ముందు అందోళన చేశారు. పరిస్థితి తీవ్ర ఉద్రిక్తంగా మారింది. ప్రభుత్వమే కాశయ్య కుటుంబాన్ని ఆదుకోవాలని గ్రామస్తులు డిమాండ్ చేస్తున్నారు. లేకుంటే తీవ్ర ఎత్తున ఉద్యమం చేస్తామని వారు హెచ్చరిస్తున్నారు. కాశయ్య నారాయణపూర్ మండలానికి వెంకటాపురానికి చెందిన వాడు.