కెవిపి రామచందర్ రావుకు కిరణ్ కుమార్ రెడ్డి షాక్: భద్రత తగ్గింపు

హైదరాబాద్‌: ముఖ్యమంత్రి కిరణ్ కుమార్ రెడ్డి మాజీ ప్రభుత్వ సలహాదారు కెవిపి రామచందర్ రావుకు షాక్ ఇచ్చారు. దివంగత నేత వైయస్ రాజశేఖర రెడ్డికి సన్నిహితులైన కొంత మందికి కిరణ్ కుమార్ రెడ్డి భద్రతను కుదించారు. కెవిపి రామచందర్ రావుకు మాత్రం భారీగా భద్రతను కుదించారు. కెవిపి రామచందర్ రావుకు భద్రత కుదింపు తర్వాత అధికారికంగా ఒకే గన్ మన్ మిగిలాడు.

వైయస్సార్ హయాంలో కెవిపి రామచందర్ రావు, కిరణ్ కుమార్ రెడ్డి ఎడమొహం పెడమొహంగానే వ్యవహరించేవారు. వీరిద్దరూ తరుచూ పరస్పరం విభేదించుకునేవారు. ఇటీవల ఢిల్లీలో కెవిపి రామచందర్ రావు కిరణ్ కుమార్ రెడ్డిని కలిశారు కూడా. అయినా ఫలితం లేకపోయింది. ఆ వెంటనే కెవిపి రామచందర్ రావు ప్రభుత్వ సలహాదారు పదవి ఊడిపోయింది. భద్రత కుదింపు కెవిపికి రెండో షాక్.