ప్రజారాజ్యం అధ్యక్షుడు చిరంజీవివి ఊసరవెల్లి రాజకీయాలు

కరీంనగర్: డిసెంబర్ 31న శ్రీకృష్ణ కమిటీ నివేదిక తర్వాత కేంద్రం తెలంగాణకు అనుకూలంగా ప్రకటించకపోతే తెలంగాణలో కాంగ్రెస్ పార్టీ భవిష్యత్తు ప్రశ్నార్థకమేనని మాజీ మంత్రి జీవన్ రెడ్డి సోమవారం అన్నారు. అయితే శ్రీకృష్ణ కమిటీ నివేదిక తెలంగాణకు అనుకూలంగానే వస్తుందని తాను భావిస్తున్నట్టు చెప్పారు. గత సంవత్సరమే కేంద్రం తెలంగాణను ప్రకటించినప్పటికీ కొన్ని అనివార్య కారణాలవల్ల వెనక్కి వెళ్లిందన్నారు. శ్రీకృష్ణ కమిటీ నివేదిక తర్వాత మాత్రం తెలంగాణను తప్పకుండా ప్రకటించాల్సిందేనన్నారు.

కాగా ప్రజారాజ్యం వ్యవస్థాపక అధ్యక్షుడు చిరంజీవి తెలంగాణ జిల్లా పర్యటను అడ్డుకుంటామని తెలంగాణ రాష్ట్ర సమితి నాయకుడు కర్నే ప్రభాకర్ హెచ్చరించారు. చిరంజీవి పద్ధతి ఊసరవెల్లి రంగులు మార్చినట్టుగా ఉందన్నారు. తెలంగాణకు వ్యతిరేకం అన్న చిరంజీవి తెలంగాణలో పర్యటించకూడదన్నారు. కాగా తెలంగాణలో నిర్వహించే ప్రాణహిత పుష్కరాలకు చిరంజీవి హాజరవుతానని ప్రకటించిన విషయం తెలిసిందే.