అఖిలపక్షాన్ని ఢిల్లీకి తీసుకు వెళ్లడానికి ప్రభుత్వం సిద్ధం: పితాని

హైదరాబాద్: మందకృష్ణ తన నిరాహార దీక్షను విరమించి చర్చలకు వస్తే ఢిల్లీ వెళ్లేందుకు తేదిని ఖరారు చేస్తామని మంత్రి పితాని సత్యనారాయణ సోమవారం చెప్పారు. అఖిల పక్షాన్ని ఢిల్లీ తీసుకు వెళ్లడానికి ప్రభుత్వం సిద్ధంగా ఉందని ప్రకటించారు. కాంగ్రెస్ ముసాయిదా(మానిఫెస్టో)లోనే ఎస్సీ వర్గీకరణ అంశం ఉందన్నారు. శాంతిభద్రతలకు రాష్ట్రంలో ఎక్కడా విఘాతం కలిగించకుండా చూడాల్సిన బాధ్యత అందరిపైన ఉన్నదన్నారు.

విద్యార్థులకు ఉపకార వేతనాలను ఇకనుండి ఇ పాస్ ద్వారా అందిస్తామని మంత్రి చెప్పారు. ఈజీ ఏటీఎం కార్టు ద్వారా వారు తమ ఉపకార వేతనాలు తీసుకోవచ్చునన్నారు. ఉపకార వేతనాలు ఏ దశలో ఉన్నాయో కూడా వారు ఆన్ లైన్లో తెలుసుకోవచ్చునని చెప్పారు. విద్యార్థులు ఉపకార వేతనాలకోసం దరఖాస్తును చేసుకునేందుకు 15 వరకు పొడిగిస్తున్నట్టు చెప్పారు.