మా నివేదిక ఆలస్యం కాదు, డిసెంబర్ 31లోగానే ఇస్తాం: జస్టిస్ శ్రీకృష్ణ

న్యూఢిల్లీ: శ్రీకృష్ణ కమిటీ నివేదిక ఆలస్యమవుతుందున్న వార్తల్లో ఏమాత్రం వాస్తవం లేదని ఆ కమిటీ చైర్మన్ జస్టిస్ శ్రీకృష్ణ మంగళవారం విలేకరుల సమావేశంలో పేర్కొన్నారు. కొందరు కమిటీ తన నివేదికను ఆలస్యం చేసే యత్నాలు చేస్తున్నారను అంటున్నారని అలాంటి మాటలు వట్టివేనని ప్రకటించారు. ఈ డిసెంబర్ 31లోగా ఖచ్చితంగా కేంద్ర ప్రభుత్వానికి నివేదిక అందజేస్తామని ఆయన చెప్పారు. నివేదిక అనంతరం కేంద్రం తన నిర్ణయం తీసుకుంటుందన్నారు.

కాగా అంతకుముందు ముఖ్యమంత్రి కిరణ్ కుమార్ రెడ్డి శ్రీకృష్ణ కమిటీ నివేదికను ఆలస్యం చేసేందుకు ఢిల్లీలో ప్రయత్నాలు చేస్తున్నారని వార్తలు ప్రసారమయ్యాయి. కిరణ్ పదవీ బాధ్యతలు స్వీకరించి తక్కువ సమయమే అయినందున తనకు కొంచెం వ్యవధి కావాలంటూ మూడు నెలలు ఆలస్యంగా శ్రీకృష్ణ కమిటీ తన నివేదికను సమర్పించే దిశలో ప్రయత్నాలు చేసినట్టు చెప్పింది. మార్చిలోగాని, ఏప్రిల్లో గాని కమిటీ నివేదిక ఇవ్వాల్సిందిగా కిరణ్ కోరినట్టు చెప్పారు.