2జి స్పెక్ట్రమ్ స్కామ్ లో రాజా ఇళ్లపై సిబిఐ దాడులు

By Pratap

Published: Wednesday, December 8, 2010, 9:38 [IST]

న్యూఢిల్లీ: 2జి స్పెక్ట్రమ్ కేటాయింపుల కుంభకోణానికి సంబంధించి కేంద్ర దర్యాప్తు సంస్థ (సిబిఐ) అధికారులు బుధవారం ఉదయం టెలికం మాజీ మంత్రి ఎ రాజా ఇళ్లపై దాడులు చేశారు. బుధవారం ఉదయం ఏడున్నర గంటల ప్రాంతంలో ఒకేసారి న్యూఢిల్లీ, చెన్నైలోని ఇళ్లలో సిబిఐ అధికారులు సోదాలు నిర్వహించారు. రాజాకు సన్నిహితులైన కొంత మంది అధికారుల ఇళ్లలో కూడా వారు సోదాలు చేసినట్లు సమాచారం.

2జి స్పెక్ట్రమ్ కేటాయింపుల వల్ల ప్రభుత్వ ఖజానాకు 1.76 లక్షల కోట్ల రూపాయల గండి పడిందని కంప్ట్రోలర్ అండ్ ఆడిట్ జనరల్ నివేదిక తప్పు పట్టిన నేపథ్యంలో అందుకు సంబంధించిన పత్రాల కోసం సిబిఐ అధికారులు సోదాలు నిర్వహించినట్లు తెలుస్తోంది. రాజా ఒఎస్డీ చందోలియా, ఇంతకు మందు టెలికం కార్యదర్శిగా పనిచేసిన బెహురియా ఇళ్లపై కూడా సిబిఐ అధికారులు దాడులు చేసినట్లు తెలుస్తోంది.

Published On December 8, 2010