తెలంగాణవ్యాప్తంగా రాస్తారోకోలు, నాయకుల ఇళ్ల ముట్టడి

హైదరాబాద్: ఉస్మానియాలో యూనివర్సిటీలో బలగాలను వెనక్కి పంపాలని డిమాండ్ చేస్తూ శనివారం తెలంగాణ వ్యాప్తంగా తెలంగాణ రాష్ట్ర సమితి (తెరాస) నాయకులు శనివారం రాస్తారోకోలు నిర్వహించారు. తెలంగాణలోని అన్ని జిల్లాల్లో రాస్తారోకోలు జరిగాయి. కరీంనగర్, హైదరాబాదు జాతీయ రహదారిపై పూర్తిగా ట్రాఫిక్ స్తంభించింది. తెలంగాణ ఆందోళనకారులు కొంత మంది కాంగ్రెసు నాయకుల ఇళ్లను కూడా ముట్టడించారు. దీంతో కాంగ్రెసు, తెలుగుదేశం నాయకుల ఇళ్ల వద్ద భద్రతను పెంచారు.

ఉస్మానియా విశ్వవిద్యాలయంలోని బలగాలను వెనక్కి పిలింపిచాలని కాంగ్రెసు తెలంగాణ ప్రాంత శాసనసభ్యులు శనివారం మరోసారి ముఖ్యమంత్రి కిరణ్ కుమార్ రెడ్డిని కలిసి కోరారు. విద్యార్థులపై అమానవీయంగా వ్యవహరిస్తున్న పోలీసుల సంగతి తెలంగాణ వచ్చిన తర్వాత చూసుకుంటామని కాంగ్రెసు శాసనసభ్యుడు ఆర్. దామోదర్ రెడ్డి అన్నారు.