చిత్రం ఏ ప్రాంతానికి వ్యతిరేకం కాదు: జైబోలో తెలంగాణ దర్శకుడు శంకర్

తిరుపతి: జైబోలో తెలంగాణ చిత్రం ఏ ప్రాంతానికీ వ్యతిరేకంగా ఉండదని ఆ చిత్రం దర్శకుడు శంకర్ గురువారం తిరుపతిలో విలేకరులతో అన్నారు. జైబోలో తెలంగాణ చిత్రం ఓ ప్రాంతానికి వ్యతిరేకంగా ఉన్నట్టు జరుగుతున్న ప్రచారంలో ఎలాంటి నిజం లేదన్నారు. ఖచ్చితంగా అన్ని ప్రాంతాల ప్రజలకు ఇది నచ్చుతుందన్నారు. ఏ ప్రాంతాన్ని కించపరిచే విధంగా చిత్రం ఉండదన్నారు. శంకర్ తిరుమల తిరుపతి వేంకటేశ్వరస్వామిని దర్శించుకోవడానికి గురువారం తిరుమలకు వచ్చారు. ఈ సందర్భంగా ఆయన మాట్లాడారు.

చిత్రాన్ని మానవ సంబంధాలు పెంపొందించే ఉద్దేశ్యంతోనే తీశానని చెప్పారు. చిత్రాన్ని నిర్మించేటప్పుడు, విడుదలకు ముందు తాను తీవ్ర మానసిక క్షోభను అనుభవించానని చెప్పారు. ఆ క్షోభను తగ్గించుకోవడానికే తిరుమల వెంకన్నను దర్శించుకోవడానికి వచ్చానన్నారు. వెంకన్నను దర్శించుకొని ప్రశాంతత పొందుతానన్నారు.