• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

ప్రభుత్వం బడ్జెట్ అంకెల గారడి: బిజెపి ఎమ్మెల్యే కిషన్‌ రెడ్డి

By Srinivas
|
Google Oneindia TeluguNews
Kishan Reddy
హైదరాబాద్: ఆర్థికశాఖ మంత్రి ఆనం రామనారాయణ రెడ్డి ప్రవేశ పెట్టిన బడ్జెట్ ఓ అంకెల గారడీ అని భారతీయ జనతా పార్టీ రాష్ట్ర అధ్యక్షులు, అంబర్‌పేట శాసనసభ్యులు గంగారపు కిషన్‌ రెడ్డి బుధవారం బడ్జెట్ సమావేశం అనంతరం మీడియా పాయింట్ వద్ద మాట్లాడుతూ చెప్పారు. గత సంవత్సరం లక్షా 13వేల కోట్ల బడ్జెట్ ప్రవేశ పెట్టారని, ఈసారి లక్షా 28వేల కోట్లకు పైగా బడ్జెట్ ప్రవేశ పెట్టారని అయితే గత సంవత్సరం బడ్జెట్ ప్రతిపాదనలే ఇంకా పూర్తి కాలేదన్నారు. గత సంవత్సరం కేటాయించినట్టు పూర్తి నిధులు మంజూరు చేయకుండానే ఇప్పుడు మళ్లీ బడ్జెట్‌లో కేటాయింపులు జరిపినప్పటికీ లాభం లేదన్నారు. గత సంవత్సరం జలయజ్జానికి పూర్తిగా కేటాయించక పోవడంతో ఈసారివి, గత సంవత్సరానికి కలిపి సుమారు 25వేల కోట్ల రూపాయలు నిధులు ఇవ్వాల్సి ఉంటుందన్నారు.

కృష్ణా నీటిని హైదరాబాద్‌కు తరలిస్తామని చెప్పారు. కానీ ఇంతవరకు పూర్తిస్థాయిలో జరగలేదన్నారు. గోదావరి నీటిని ఎప్పుడు తీసుకు వస్తారో కూడా చెప్పలేదన్నారు. ఫీజు రీయింబర్స్‌మెంట్స్‌ కేటాయింపులపై కూడా సరిగా లేదన్నారు. బడ్జెట్‌ను పెంచింది కానీ ఇది బోగస్ అన్నారు. 32 పేజీల బడ్జెట్ వాస్తవాలకు విరుద్దంగా ఉందన్నారు. ఈ బడ్జెట్ అమలు కానీ బడ్జెట్ అన్నారు. తెలంగాణలో సహాయ నిరాకరణ వల్ల ఆదాయం రాదని, అయితే ప్రభుత్వం మాత్రం లాభం ఉంటున్నట్లుగా చూస్తుందన్నారు. ఆదాయం తగ్గినప్పటికీ అంకెల గారడీ చూపించిందన్నారు. ప్రజలను అయోమయానికి గురిచేసే బడ్జెట్ అన్నారు. ప్రభుత్వం ప్రింటింగ్ ప్రెస్‌లో ప్రింట్ అయింది కాబట్టి వాళ్ల ఇష్టానుసారంగా ఉందన్నారు.

English summary
BJP MLA G.Kishan Reddy opposed annual budget proposed by Finance Minister anam Ramanarayana Reddy at media point on wednesday. He said budget is number magic. He demanded to release previous year amount.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X