మద్రాసు ఐఐటిలో ఆంధ్రప్రదేశ్ విద్యార్థు అనూప్ ఆత్మహత్య

By Pratap

Published: Friday, February 25, 2011, 9:10 [IST]

చెన్నై: మద్రాసు ఐఐటీలో ఆంధ్రకు చెందిన తెలుగువిద్యార్థి అనూప్‌కుమార్‌ ఆత్మహత్యకు పాల్పడ్డాడు. ఈ సంఘటన బుధవారం రాత్రి జరిగింది. డ్యూయల్‌ డిగ్రీలో మెకానికల్‌ ఇంజినీరింగ్‌ ఐదో సంవత్సరం చదువుతున్న అనూప్‌ రెండువారాల సెలవు అనంతరం బుధవారం సాయంత్రం క్యాంపస్‌కు వచ్చాడు. అనంతరం 'ఎక్కాడున్నారంటూ...' తన గదిలోని మిత్రుల ఫోన్‌కు ఎస్‌ఎంఎస్‌ పంపాడు.

వారు రాత్రి 10 గంటలకు వచ్చేసరికి హాస్టల్‌లో తన రూమ్‌కు ఎదురుగా ఖాళీగా ఉన్న గదిలో ఫ్యాన్‌కు ఉరి వేసుకుని ఆత్మహత్యకు పాల్పడ్డట్టు గుర్తించారు. మృతదేహాన్ని ప్రభుత్వ జనరల్‌ ఆసుపత్రికి తరలించి పోస్టుమార్టం అనంతరం గురువారం కుటుంబసభ్యులకు అప్పగించారు. అనూప్‌ తండ్రి తిరుపతిలో, తల్లి హైదరాబాదులో ఉద్యోగం చేస్తున్నారు. అతడు గత ఏడాది కాలంగా చదువుపై అనాసక్తితో ఉన్నట్లు తెలిసింది.

Published On February 25, 2011