• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

చంద్రబాబును ధిక్కరించిన నాగం జనార్దన్ రెడ్డి, చర్యలు తప్పవా?

By Pratap
|

Chandrababu Naidu-Nagam Janardhan Reddy
హైదరాబాద్: తెలుగుదేశం తెలంగాణ ఫోరం కన్వీనర్ నాగం జనార్దన్ రెడ్డి తెలంగాణ విషయంలో తమ పార్టీ అధినేత నారా చంద్రబాబు నాయుడిని ధిక్కరించారు. చంద్రబాబు మాట వినకుండా ఆయన సోమవారం శాసనసభలో ఆందోళనకు దిగారు. తెలుగుదేశం తెలంగాణ ప్రాంతానికి చెందిన 37 మంది శాసనసభ్యులు ఆయన వెంట లేరు. వారు చంద్రబాబు మాటకు కట్టుబడి తెలంగాణ అంశంపై శాసనసభలో మౌనం వహించారు. జనార్దన్ రెడ్డి ఒక్కరే జై తెలంగాణ నినాదాలు చేస్తూ స్పీకర్ పోడియం వద్దకు దూసుకెళ్లారు. సభ పది నిమిషాల పాటు వాయిదా పడి తిరిగి సమావేశమైన తర్వాత కూడా ఆయన వెనక్కి తగ్గలేదు.

శనివారం జరిగిన తెలుగుదేశం తెలంగాణ ప్రాంత శాసనసభ్యుల సమావేశంలో నాగం జనార్దన్ రెడ్డితో మిగతావారు విభేదించారు. తెలంగాణ రాష్ట్ర సమితి, కాంగ్రెసు తెలంగాణ ప్రాంత శాసనసభ్యులు శాసనసభను బహిష్కరించిన నేపథ్యంలో శాసనసభకు హాజరు కావడం మంచిది కాదని, తెలంగాణ ప్రాంత ప్రజల్లోకి తప్పుడు సంకేతాలు వెళ్తాయని నాగం జనార్దన్ రెడ్డి వాదించినట్లు సమాచారం. అయితే, ఆయన మాటను వారు వినలేదు. శాసనసభకు హాజరు కావాలని, తెలంగాణ అంశంపై మౌనం వహించాలని మిగతా శాసనసభ్యులు అభిప్రాయపడ్డారు. దాంతో నాగం జనార్దన్ రెడ్డి ఒక్కరే ఆందోళనకు దిగారు.

నాగం జనార్దన్ రెడ్డి ఆందోళనకు దిగిన సమయంలో సభలో ఉన్న చంద్రబాబు మౌనంగానే ఉండిపోయారు. ఆయన ఒక్క మాట కూడా మాట్లాడలేదు. నాగం జనార్దన్ రెడ్డిపై చంద్రబాబు తీవ్ర ఆగ్రహంతో ఉన్నట్లు తెలుస్తోంది. ఈ స్థితిలో నాగం జనార్దన్ రెడ్డిపై చంద్రబాబు చర్యలు తీసుకునే అవకాశాలున్నట్లు తెలుస్తోంది. చంద్రబాబుతో మాట్లాడుదాం, రావాలని మోత్కుపల్లి నర్సింహులు నాగం జనార్దన్ రెడ్డిని ఆహ్వానించారు. అయితే, చంద్రబాబుతో మాట్లాడేదేమీ లేదని, తాను రాబోనని నాగం జనార్దన్ రెడ్డి స్పష్టం చేశారు.

English summary
TDP Telangana forum convenor Nagam Janardhan Reddy differed with party president Nara Chandrababu Naidu on Telangana issue. He stalled assembly proceedings today, defying Chandrababu's order.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X