హీరో రాజశేఖర్, జీవితలకు సెక్యూరిటీ వింగ్ నోటీసులు జారీ

హైదరాబాద్: ప్రముఖ సినీ హీరో డాక్టర్ రాజశేఖర్, జీవిత దంపతులు జీతాల చెల్లించకుండా చిక్కుల్లో పడ్డారు. రాజశేఖర్ దంపతులు తమ సెక్యరిటీకి జీతాలు చెల్లించడం లేదని వెంటనే చెల్లించాలని సిటీ సెక్యూరిటీ వింగ్ వారికి నోటీసులు జారీ చేసింది. ఇప్పటికే పది పన్నెండు సార్లు నోటీసులు జారీ చేసినప్పటికీ ఇప్పటికీ చెల్లించడం లేదని, ఇదే ఆఖరు నోటీసులని హెచ్చరించింది. సెక్యూరిటీ వింగ్ ఏర్పాటు చేసిన 2+2 గన్‌మెన్లకు రాజశేఖర్ దంపతులు గత సంవత్సరకాలంగా జీతాలు చెల్లించడం లేదు.

ఈ బకాయిలు సుమారు ఒక లక్ష రూపాయల వరకు ఉన్నట్టుగా తెలుస్తోంది. గతంలో ఓ కార్యక్రమంలో పాల్గొని హైదరాబాద్ వస్తున్న డాక్టర్ రాజశేఖర్ దంపతులపై కొందరు చిరంజీవి అభిమానులు దాడి చేసినట్లుగా వార్తలు వచ్చిన విషయం తెలిసిందే. అయితే ఆ దాడి తర్వాత రాజశేఖర్ నాటి ముఖ్యమంత్రి వైయస్ రాజశేఖరరెడ్డిని కలిసి తమకు సెక్యూరిటీ కల్పించాల్సిందిగా అడిగారు. దీనికి నాటి ముఖ్యమంత్రి వారికి 2+2 గన్‌మెన్లను ఏర్పాటు చేశారు. అయితే సంవత్సరకాలంగా మాత్రం జీతాలు చెల్లించడం లేదని నోటీసులు జారీ చేశారు.

English summary

Hyderabad city security wing issued notice to hero Rajasekhar. Rajasekhar was not paying gunmen bill from one year.