వైయస్ జగన్ మామ గంగిరెడ్డిపై ఈసికి వైయస్ వివేకానంద ఫిర్యాదు

By Srinivas

Published: Sunday, May 8, 2011, 14:51 [IST]

కడప: మాజీ పార్లమెంటు సభ్యుడు వైయస్ జగన్మోహన్ రెడ్డి మామ గంగిరెడ్డి అక్రమాలకు పాల్పడుతున్నారంటూ కాంగ్రెసు పార్టీ పులివెందుల అభ్యర్థి వైయస్ వివేకానందరెడ్డి ఆదివారం ఎన్నికల సంఘానికి ఫిర్యాదు చేశారు. పులివెందులలోని ఎన్నికల కేంద్రం అయిన కళాశాలలో క్యూ లైన్లో ఉన్న వోటర్లకు డబ్బులు పంచుతున్నారని ఆయన ఫిర్యాదు చేశారు. డబ్బులు పంచుతున్న గంగిరెడ్డిపై చర్యలు తీసుకోవాలని ఆయన కోరారు. అంతేకాకుండా చాపాడు మండలం చిన్నగొలగనూరులో ఇతర పార్టీల ఏజెంట్లను బెదిరించి వైయస్ఆర్ కాంగ్రెసు పార్టీ రిగ్గింగుకు పాల్పడుతుందని కూడా ఫిర్యాదు చేసినట్లుగా తెలుస్తోంది.

ఇక మంత్రిడిఎల్ రవీంద్రారెడ్డి కూడా వైయస్ఆర్ కాంగ్రెసు పార్టీ కార్యకర్తలు భారీగా అక్రమాలకు పాల్పడుతున్నారని ఆరోపించారు. జమ్మలమడుగు, ప్రొద్దుటూరు, మైదుకూరు తదితర 20 ప్రాంతాలలో రీపోలింగ్ చేయాలని డిమాండ్ చేశారు. టిడిపి, కాంగ్రెసు ఏజెంట్లను వైయస్ఆర్ పార్టీ ఏజెంట్లు కిడ్నాప్ చేశారనే ఆరోపణలు కూడా వచ్చాయి.

Published On May 8, 2011