పాలిటెక్నిక్‌లో రంగారెడ్డి ఫస్ట్, పశ్చిమ గోదావరి జిల్లా హవా

హైదరాబాద్: పాలిటెక్నిక్ ప్రవేశ పరీక్షా ఫలితాలు గురువారం మధ్యాహ్నం మంత్రి దామోదర రాజనర్సింహ విడుదల చేశారు. సుమారు 2 లక్షలకు పైగా విద్యార్థులు పరీక్షలు రాయగా అందులో 1,84,932 మంది విద్యార్థులు అర్హత సాధించారు. మొదటి ర్యాంకును అనిరుధ్ అనే రంగారెడ్డి జిల్లాకు చెందిన విద్యార్థి కైవసం చేసుకున్నాడు. అనిరుధ్ 116 మార్కులు పొందాడు. ఆ తర్వాత 115 మార్కులతో రెండో స్థానంలో శ్రావ్య(ఖమ్మం), 114 మార్కులతో దేవేంద్రకుమార్, దివ్యతేజ్ మూడో స్థానంలో ఉన్నారు. మూడో ర్యాంకు వచ్చిన ఇద్దరూ పశ్చిమ గోదావరి జిల్లాకు చెందిన విద్యార్థులే.మొదటి పది ర్యాంకులలో ఆరు ర్యాంకులు పశ్చిమ గోదావరి జిల్లా విద్యార్థులే కైవసం చేసుకున్నారు.

ఇక ఐదో స్థానంలో రవికిరణ్ సాయి, ఆరో స్థానంలో వాసు, ఏడో స్థానంలో మణికంఠ, ఏనిమిదో స్థానంలో ఈశ్వర బాలాజీ, పదో స్థానంలో కృష్ణసాయి ఉన్నారు. మొత్తం ఉత్తీర్ణత శాతం 84.41. అందులో బాలుర ఉత్తీర్ణత శాతం 82.79 కాగా బాలికలది 89.10 శాతం. బాలుర కంటే ఏడు శాతం బాలికలు ముందున్నారు. కాగా త్వరలో కౌన్సిలింగ్ షెడ్యూలు ప్రకటిస్తామని మంత్రి చెప్పారు.

English summary

Rangareddy student Anirudh get first rank in polytechnic school. West Godavari get six in first ten ranks.